Гісторыя старажытнай Лунінецкай зямлі сыходзіць у далёкае мінулае. Аднавіць яе дапамагаюць помнікі археалогіі (курганы, стаянкі першабытных плямёнаў) – сведкі мінулых часоў, часта адзінае, што засталося ад тых часоў, калі яшчэ не існавала пісьменнасці, а іншыя сведчанні проста не захаваліся. І ўсё ж практычна ў кожным кутку нашага раёна можна выявіць помнікі мінулага. Яны захоўваюць інфармацыю пра жыццё нашых папярэднікаў: чым займаліся, як здабывалі сабе хлеб насущны. Афіцыйна датай заснавання Лунінца з'яўляецца 1449 год. Больш за пяць стагоддзяў спатрэбілася, каб прайсці ад вёсачкі Малы Лулін да горада Лунінец, горада з развітой прамысловасцю і інфраструктурай.